2017 წლის გაზრდილი სამომხმარებლო კალათა 305 დასახელების საქონელსა და მომსახურებას მოიცავს

საქართველოს სტატისტიკის ეროვნულმა სამსახურმა სამომხმარებლო კალათა განაახლა. როგორც  „საქსტატიდან“ იუწყებიან, 2017 წლის განახლებული სამომხმარებლო კალათა გაზრდილია და მოიცავს 305 დასახელების სამომხმარებლო საქონელსა და მომსახურებას.

„სამომხმარებლო კალათა გამოიყენება სამომხმარებლო ფასების ინდექსის - ქვეყანაში არსებული ინფლაციის დონის - გასაანგარიშებლად და ასახავს ქვეყნის საშუალო მომხმარებლის დანახარჯების სტრუქტურას. 2017 წლის განახლებული სამომხმარებლო კალათა გაზრდილია და მოიცავს 305 დასახელების სამომხმარებლო საქონელსა და მომსახურებას. ამასთან ერთად, განახლებულია სამომხმარებლო კალათაში შემავალი საქონლისა და მომსახურების წონები.

2017 წლის განახლებული სამომხმარებლო კალათა ეფუძნება ეროვნულ ანგარიშთა სისტემით განსაზღვრულ მოხმარების სტრუქტურას. სამომხმარებლო კალათის ჯგუფების და ინდივიდუალური საქონლის (მომსახურების) წონები ეფუძნება ეროვნულ ანგარიშთა სისტემით განსაზღვრულ მოხმარების სტრუქტურასა და შინამეურნეობების ინტეგრირებული გამოკვლევიდან მიღებულ ინფორმაციას. წონების განახლება ხდება ყოველწლიურად, ზემოაღნიშნული წყაროებიდან მიღებული უახლესი მონაცემების გამოყენებით.

ეროვნული ანგარიშებიდან მიღებული წონების გამოყენება სამომხმარებლო კალათის ფორმირების პროცესში წარმოადგენს ერთ-ერთ არსებით რეკომენდაციას, რომელსაც ევროსტატი ევროკავშირის წევრ-ქვეყნებს სთავაზობს.

განახლებული სამომხმარებლო კალათა ასახავს მოსახლეობის დანახარჯების უახლეს სტრუქტურას, რაც უფრო საიმედოს ხდის სამომხმარებლო ფასების ინდექსს - ინფლაციის მაჩვენებელს“, - აღნიშნულია „საქსტატის“ განცხადებაში.

განახლებული სამომხმარებლო კალათა იხილეთ ბმულზე: http://geostat.ge/cms/site_images/_files/georgian/methodology/samomxmareblo%20kalatis%