”ოქროს სამყაროს” მოვაჭრეთა ნაწილის თქმით, მათი კუთვნილი ძვირფასეულობა სრულად განადგურებულია
”ოქროს სამყაროს” მოვაჭრეთა ნაწილის თქმით, მათი კუთვნილი ძვირფასეულობა სრულად განადგურებულია. როგორც ”ოქროს სამყაროს” ტერიტორიიდან გამოსულმა ერთ-ერთმა მოვაჭრემ ლუიზა შოთაშვილმა ჟურნალისტებს განუცხადა, მას შესვლის უფლება მისცეს, თუმცა სრულად განადგურებულია რამდენიმე ერთეული დახლი, სადაც მათი კუთვნილი ძვირფასეულობა იყო.
”სრულად განადგურებულია ძვირფასეულობა. შეუძლებელია იქიდან რაიმეს ამორჩევა, ჩაწოლილია იატაკი. რაც შეეხება ზარალს, რამდენიმე ათეულ ათასზეა საუბარი”, - განაცხადა ლუიზა შოთაშვილმა.
”ოქროს სამყაროს” ტერიტორიაზე მოვაჭრეებს საკუთარი ნივთების გამოტანის საშუალება ეძლევათ. ისინი ეტაპობრივად შედიან ”ოქროს სამყაროს” ტერიტორიაზე. ამის პარალელურად ”ოქროს სამყაროს” ადმინისტრაციის წარმომადგენელმა ამირან მარიამიძემ რამდენიმე დაზარალებული მოვაჭრე ”ოქროს სამყაროს” ტერიტორიაზე შეიყვანა, რათა სიტუაცია საკუთარი თვალით ენახათ.