სავალუტო ჯიხურებში 1 ამერიკული დოლარის შეძენა 2.415 ლარად არის შესაძლებელი
ლარის გამყარების ტენდენცია გრძელდება. ეროვნული ბანკის მონაცემებით, პირველი მარტის ვაჭრობის შედეგად, დღეს მოქმედი ერთი ამერიკული დოლარის ოფიციალური ღირებულება 2.4828 ლარია.
ზოგიერთ სავალუტო ჯიხურში კი დღეს 1 აშშ დოლარის შეძენა 2.415 ლარადაც არის შესაძლებელი. კერძოდ, ვალუტის გადამცვლელ ჯიხურებში მოქალაქეებს დოლარის შეძენა 2.415 – 2.42 ლარის ფარგლებში შეუძლიათ. მისი გაყიდვა კი 2.39-2.40 ლარის ფარგლებში.
ბოლო 10-12 დღის განმავლობაში, ეროვნული ვალუტა დოლართან მიმართებაში დაახლოებით 16 თეთრით გამყარდა.