General Motors-მა "ოპელი" 2,2 მილიარდ ევროდ გაყიდა

ამერიკული ავტოკონცერნი General Motors "ოპელის"  ბრენდის და დანაყოფის გაყიდვაზე შეუთანხმდა ფრანგულ PSA Group-ს, რომელიც Peugeot-სა და Citroen-ს უშვებს.

გარიგების ოდენობამ, როგორც დღეს გახდა ცნობილი, 2,2 მილიარდი ევრო (2,33 მილიარდი დოლარი) შეადგინა.

გარიგების თანახმად, 1,3 მილიარდად General Motors-ი PSA-ს "ოპელზე" კონტროლს გადასცემს, ხოლო 900 მილიონად PSA-ს და BNP Paribas-ის ერთობლივი საწარმო ევროპაში General Motors-ის ფინანსურ დანაყოფებს შეიძენს.

ამ გარიგების ფარგლებში ასევე PSA-ს განკარგულებაში  გადავა Vauxhall - სწორედ ამ ბრენდით ხდებოდა "ოპელის" წარმოება და გაყიდვა დიდ ბრიტანეთში.

Opel-ის ყიდვის შემდეგ PSA Group ევროპაში მეორე უმსხვილესი ავტომწარმოებელი გახდება.