"თუ გვინდა, თბილისში ყველა დეველოპერს ვაკეში და ვერაზე არ უნდოდეს მშენებლობა, მარცხენა სანაპირო უნდა განვავითაროთ"

"საქართველოს მენაშენეთა ასოციაციის ხელმძღვანელი“ ირაკლი როსტომაშვილი ფეისბუქის“ საკუთარ გვერდზე ორთაჭალაში სამთავრობო ქალაქის მშენებლობის შესახებ წერს.

„ბიზნესპრესნიუსი“ როსტომაშვილის პოსტს უცვლელად გთავაზობთ:

„თავს უფლებას მივცემ, დავაფიქსირო ჩემი პიზიცია პრემიერ მინისტრის მიერ გუშინ, 23 მარტს, გაჟღერებულ ინიციატივასთან დაკავშირებით:

მიმაჩნია, რომ ძალიან ჭკვიანური გადაწყვეტილებაა სამინისტროებისა და სხვა სამთავრობო უწყებების ერთ ტერიტორიალურ კომპლექსად განთავსება (ამ გადაწყვეტილებას ბევრად მეტი სასიკეთო მხარე აქვს ვიდრე კვირიკაშვილმა ჩამოთვალა).

არ მიმაჩნია სწორედ ამ კომპლექსის დასახელებულ ტერიტორიაზე - ორთაჭალაში განთავსება;

შევეცდები ავხსნა:

• თბილისში ცხოვრობს 1.2 მილიონი მოქალაქე. აქედან 1 მილიონზე ცოტა ნაკლები მტკვრის მარცხენა სანაპიროზე, 200 ათასზე ცოტათი მეტი მარჯვენა სანაპიროზე.

• ცხადია ამ კომპლექსის დატვირთვა პროპორციულად მოხდება.

• დამეთანხმებით, ბევრი ფაქტორის გათვალისწინებით (ტრანსპორტი, ხიდები, გზები და ა.შ.) უკეთესია კომპლექსი განთავსდეს მტკვრის მარცხენა სანაპიროზე.

• პირობითად, თუ ამ კომპლექსში დასაქმებული იქნება 5000 ათასი მოქალაქე და ამდენივე ვიზიტორი, (დღეში 10 000 მოქალაქე). ნამდვილად უკეთესი იქნება 2 000-ს უწევდეს თბილისის 11 ხიდზე ერთი სანაპიროდან მეორეზე გადასვლა, ვიდრე 8000-ს.

• ტრანსპორტი ბევრად უფრო განვითარებულია და აქვს განვითარების საშუალება მარცხენა სანაპიროს.

• აეროპორტი, სარკინიგზო სადგურები, მდებარეობს მარცხენა სანაპიროზე.

• ორთაჭალას არ აქვს მეტროს ხაზი (ძირითადი ურბანული ტრანსპორტი).

• თუ გვინდა, რომ თბილისში ყველა დეველოპერს მხოლოდ ვაკეში და ვერაზე არ უნდოდეს მშენებლობა, უნდა მოვახდინოთ მარცხენა სანაპიროს განვითარება-კაპიტალიზაცია“, - წერს როსტომაშვილი.