აპრილიდან ქართულ ბაზარზე ახალი სადაზღვევო კომპანია დაიწყებს ოპერირებას
ქართულ ბაზარზე ახალი სადაზღვევო კომპანია შემოდის. Global Benefits Georgia ოპერირებას აპრილში იწყებს. კომპანია საქართველოს მოქალაქეებს ჯანმრთელობის დაზღვევის საერთაშორისო მომსახურებას სთავაზობს 120 ქვეყანაში.
კომპანია საერთაშორისო სადაზღვევო ჯგუფმა - Global Benefits Group (GBG) "საქართველოს ინდუსტრიულ ჯგუფთან" (GIG) ერთად დააფუძნა.
GBG-მ გადაწყვიტა საქართველოში რეგიონალური ჰაბის დაფუძნება და ყაზახეთის, უკრაინის, ბელორუსისა და სომხეთის სადაზღვევო ბაზრებს ოპერირებას თბილისიდან გაუწევს.
Global Benefits Group-ს საერთაშორისო დაზღვევის 36-წლიანი გამოცდილება აქვს და ვაჭრობს ლონდონის საფონდო ბირჟაზე.