საბურთალოზე სახურავების სარეაბილიტაციო სამუშაოები მიმდინარეობს

საბურთალოს რაიონში, თანადაფინანსებული პროექტების ფარგლებში, სახურავებისა და ნაპრალების სარეაბილიტაციო სამუშაოები მიმდინარეობს.

თბილისის მერიის პრესსამსახურის ინფორმაციით, ამჟამად რეაბილიტაცია 28 ბრტყელ და 8 ქანობიან სახურავს უტარდება.

გარდა ამისა, საბურთალოს რაიონში, კორპუსებში სართულშუა ნაპრალების რეაბილიტაცია დასრულდა. რეაბილიტაცია სულ 24 ობიექტს ჩაუტარდა.

სარეაბილიტაციო სამუშაოებს ადგილზე დღეს საბურთალოს რაიონის გამგებლის მოადგილე გაიოზ ვასაძე გაეცნო.