ქუთაისში სამვარსკვლავიანი საერთაშორისო ბრენდის სასტუმრო Best Western Kutaisi გაიხსნა
ქუთაისში დღეს, სამვარსკვლავიანი საერთაშორისო ბრენდის სასტუმრო Best Western Kutaisi გაიხსნა.
ღონისძიებას პრემიერ-მინისტრი, ეკონომიკის მინისტრი, ენერგეტიკის მინისტრი, შს მინისტრი და სხვა მიწვეული სტუმრები დაესწრნენ.
ქალაქის ისტორიულ ცენტრში სასტუმროს 40 სტანდარტული და 5 ლუქსის ტიპის ნომერი, ასევე ადაპტირებული ნომერი და შესაბამისი ინფრასტრუქტურა აქვს.
პროექტი საპარტნიორო ფონდმა "კაპიტოლ ქუთაისი ჰოტელთან" პარტნიორობით ააშენა. ღირებულება 3 მილიონი აშშ დოლარია, სადაც ფონდის თანამონაწილეობა 1.4 მლნ დოლარია.