საქართველოს პრეზიდენტმა ქუთაისში ქართული საწარმოები მოინახულა
საქართველოს პრეზიდენტი და პირველი ლედი ,,მოითხოვე ქართული'' საპრეზიდენტო კამპანიის ფარგლებში დღეს იმერეთში ორ ქართულ კომპანიას ესტუმრა.
უფრო კონკრეტულად, პრეზიდენტის ადმინისტრაციის ინფორმაციით, გიორგი მარგველაშვილი ქუთაისში ფეხსაცემლების ფაბრიკას ,,ლევანტო'' და ხორცპროდუქტების კომპანიას „გურმანი“ ესტუმრა და საწარმოო პროცესი დაათვალიერა.
როგორც გიორგი მარგველაშვილმა განაცხადა, საქართველოს მოსახლეობა ქართული პროდუქციის მოთხოვნითა და შეძენით აძლიერებს საქართველოს ეკონომიკას და თავის მოქალაქეობრივ ვალსაც იხდის საკუთარი ქვეყნის წინაშე.
საპრეზიდენტო კამპანია ,,მოითხოვე ქართული'' ქართული პროდუქციის პოპულარიზაციას ისახავს მიზნად.