300 არაგველის სახელობის სკვერის რეაბილიტაცია მიმდინარეობს
კრწანისის რაიონში 300 არაგველის სახელობის სკვერში რეაბილიტაციის პირველი ეტაპი სრულდება. მიმდინარე სამუშაოები თბილისის მერის მოადგილე გიგა ნიკოლეიშვილმა კრწანისის გამგებელ გიორგი კოპალეიშვილთან ერთად დაათვალიერა.
მერიის პრესსამსახურის ცნობით, ამ დროისთვის ბაღში სარწყავი სისტემის აღდგენა, ქვაფენილის მოწყობა და აგროტექნიკური ღონისძიებები მიმდინარეობს.
თბილისის მერის მოადგილე გიგა ნიკოლეიშვილმა სკვერში უკვე განხორციელებული და მიმდინარე სამუშაოების მნიშვნელობაზე ისაუბრა.
მისივე თქმით, რეაბილიტაციის მეორე ეტაპი მაისში დაიწყება და წლის ბოლომდე დასრულდება.
უწყების განმარტებით, სკვერის შესასვლელებში დასრულებულია ხის პერგოლებისა და კიბის მშენებლობა, მოეწყო ახალი ბილიკები, რომელიც ქართული აგურით მოპირკეთდა, შეიცვალა განათების ქსელი.
რეაბილიტაციის მეორე ეტაპი მაისში დაიწყება.
აღსანიშნავია, რომ 2015 წელს, კრწანისის გამგეობის დაფინანსებით, განხორციელდა ბაღის ისტორიული გალავნის ბურჯების კონსერვაცია.
300 არაგველის ბაღი კრწანისის ბრძოლის ადგილზე გასული საუკუნის 30-იან წლებში გაშენდა, 50-იან წლებში კი განახლდა.