დიმიტრი ქუმსიშვილი ჩინეთის ვიცე-პრემიერს შეხვდება

ჩინეთის სახალხო რესპუბლიკაში სამუშაო ვიზიტის ფარგლებში, საქართველოს პირველი ვიცე-პრემიერი, ფინანსთა მინისტრი დიმიტრი ქუმსიშვილი ანჰოის პროვინციას ეწვევა და ორმხრივ შეხვედრას ჩინეთის ვიცე-პრემიერთან ვანგ იანგთან გამართავს

, - ამის შესახებ ფინანსთა სამინისტრო იუწყება.

მათივე ინფორმაციით, დიმიტრი ქუმსიშვილს ექნება მაღალი დონის შეხვედრები ანჰოის პროვინციის ხელმძღვანელ პირებთან.

„პირველი ვიცე-პრემიერი, ანჰოის პროვინციის ქალაქ ჰეფეიში მონაწილეობას მიიღებს „ექსპო ცენტრალური ჩინეთი 2017“-ის ოფიციალურ გახსნაში და მოხსენებას გააკეთებს საქართველოს საინვესტიციო შესაძლებლობების შესახებ. ანჰოის პროვინციაში ვიზიტისას, პირველი ვიცე-პრემიერი რამდენიმე მსხვილ საწარმოს ეწვევა“, - აღნიშნულია ფინანსთა სამინისტროს მიერ გავრცელებულ ინფორმაციაში.