დღეიდან დასავლეთის მიმართულებით მოძრავი ტრანსპორტი თბილისი-სენაკი-ლესელიძის საავტომობილო გზის გამოყენებით, ქუთაისის გავლით იმოძრავებს
დღეიდან დასავლეთის მიმართულებით მოძრავი ავტოტრანსპორტი (ქუთაისი-სამტრედიის მიმართულებაზე ) იმოძრავებს თბილისი-სენაკი-ლესელიძის საავტომობილო გზის გამოყენებით (ქალაქ ქუთაისის გავლით).
როგორც "ბიზნესპრესნიუსს" საავტომობილო გზების დეპარტამენტიდან აცნობეს, აღმოსავლეთის მიმართულებით მოძრაობა განხორციელდება ცალმხრივად (სამტრედია-ქუთაისის მიმართულებაზე).
რეჟიმი გამოწვეულია საერთაშორისო მნიშვნელობის თბილისი-სენაკი-ლესელიძის საავტომობილო გზის ქუთაისის შემოსავლელი-სამტრედიის მონაკვეთზე საგზაო მოძრაობის უსაფრთხოების დამატებითი ღონისძიებების სამუშაოების გატარებით, რომელიც მოიცავს:
გარე განათების ქსელის მოწყობას, ზოლების, დამატებითი საგზაო ნიშნების და ვიდეო-სამეთვალყურეო სისტემის მოწყობას.
აღნიშნული რეჟიმით მოძრაობა განხორციელდება შსს-ს საპატრულო პოლიციის უშუალო ზედამხედველობით და კოორდინაციით.