ეროვნული ბანკის მილიონერი ვიცე-პრეზიდენტი - რა ქონებას ფლობს მურთაზ კიკორია?

საქართველოს ეროვნული ბანკის ვიცე-პრეზიდენტის მურთაზ კიკორიას წლიური ანაზღაურება „საქართველოს ბანკის“ გენერალური დირექტორის პოსტზე 3 133 280.86 ლარი იყო.

ბანკის დირექტორის თანამდებობაზე კიკორია 2015 წლის სექტემბრიდან 2016 წლის სექტემბრამდე მუშაობდა.

2016 წლის 31 დეკემბერს შევსებული ქონებრივი დეკლარაციის მიხედვით, კიკორია ფლობს 523 კვადრატული მეტრი ფართობის საცხოვრებელ სახლს თბილისში, 145.27 კვ. მეტრის ბინას ჭავჭავაძის გამზირზე, ამავე მისამართზე მდებარე 129.03 კვადრატული მეტრის არასაცხოვრებელ ფართს, 250 კვ. მეტრი ფართობის საცხოვრებელ სახლს მცხეთაში, 4 500 კვ. მეტრისა და 2 500 კვადრატული მეტრი ფართობის მიწის ნაკვეთებს მცხეთაში და 1 000 კვ. მეტრი ფართობის მიწის ნაკვეთს თბილისში. მასვე ეკუთვნის მსუბუქი ავტომობილები - BMW M6 და BMW 550.

დეკლარაციის შევსების მომენტში კიკორიას „თი-ბი-სი ბანკის“ დეპოზიტზე 2 100 000 ლარი, საკრედიტოზე - 2 549.58 დოლარი, მიმდინარე ანგარიშზე კი 85.33 დოლარი და 57 600 ლარი ჰქონდა, „საქართველოს ბანკის“ მიმდინარე ანგარიშზე 1 588 500 ლარი, სახელფასოზე - 140 439.09 ლარი, საკრედიტოზე - 19 000 გირვანქა სტერლინგი, „ქართუ ბანკის“ მიმდინარე ანგარიშზე კი 114.06 დოლარი ჰქონდა. ამასთან, ნაღდი ფულადი თანხის სახით 1 000 ლარი ჰქონდა.

დეკლარაციის მიხედვით, კიკორია შპს „ეფსისის“ პარტნიორია. ამასთან, მუშაობდა სს ბელორუსის სახალხო ბანკის სამეთვალყურეო საბჭოს თავმჯდომარედ, სს „ალდაგის“ სამეთვალყურეო საბჭოს წევრად, იყო სს „ბიჯი ფაინანშალის“ დირექტორის მოადგილე, „ბენდერლოკ ინვესტმენტ ლიმიტედის“ დირექტორი და საქველმოქმედო ფონდი „სიცოცხლის ხე“ გამგეობის თავმჯდომარე. თუმცა, ჩამოთვლილთაგან არცერთ თანამდებობაზე შემოსავალი არ მიუღია.

ქონებრივი დეკლარაციის მიხედვით, კიკორიამ სახელზეა ნასყიდობისა და ნარდობის ხელშეკრულებები შვილის სასარგებლოდ. ნასყიდობა ეხება 500 000 ევროს ღირებულების ბინას მადრიდში; ნარდობა კი ბინის რემონტს 182 785 ევროს ოდენობით.

ეროვნული ბანკის ვიცე-პრეზიდენტის წლიური გასავალი 74 ათასი ლარი იყო. აქედან 55 000 ლარი ქველმოქმედების, 19 ათასი კი შვილების სწავლის საფასურის სახით.

მურთაზ კიკორიას ყავს მეუღლე ნინო კოღუაშვილი, შვილები - თამარ და გიორგი კიკორიები და გერები - ნიკოლოზ და გიორგი დევდარიანები. კოღუაშვილი ფლობს 178 კვადრატული მეტრი ფართობის ბინას თბილისში, 150 კვ. მეტრი ფართობის საცხოვრებელ სახლს კიკეთში და 857 კვ.მეტრის მიწის ნაკვეთს კოჯორში. მასვე „საქართველოს ბანკის“ დეპოზიტზე - 1 000 000 ლარი, მიმდინარე ანგარიშზე კი - 90 000 ლარი ჰქონდა.

დეკლარაციის მიხედვით, კიკორიას მეუღლე სს „დოთგრინის“ აქციონერი და შპს „ქართული აგროპროდუქტის“ პარტნიორია. კოღუაშვილის შემოსავალი გასულ წელს სადაზღვევო კომპანია „იმედი ელის“ გენერალური დირექტორის თანამდებობაზე 236 931 ლარი იყო.