რუსთავში ცენტრალური და შიდა გზების სარეაბილიტაციო სამუშაოები მიმდინარეობს

რუსთავში ცენტრალური და შიდა გზების, ასევე ტროტუარების სარეაბილიტაციო სამუშაოები და სკვერების კეთილმოწყობა მიმდინარეობს.

როგორც რუსთავის მერიის ინფრასტრუქტურის სამსახურში განაცხადეს, თოდრიას ქუჩაზე დაზიანებული საფუძველის მოხსნა-გატანა, სანიაღვრე ქსელის მოწყობა, ასფალტის საფარის მოფრეზვა და ბორდიურების მოწყობა ხდება. გზის სარეაბილიტაციო სამუშაოების დაწყებამდე კი მოხდა სასმელი წყლის სისტემის სრული რეაბილიტაცია. სამუშაოებს ტენდერში გამარჯვებული კომპანია „გზატკეცილი +“ ახორციელებს.

ასფალტის საფარის განახლებისთვის მოსამზადებელი სამუშაოები ხორციელდება შარტავას გამზირისა და მესხიშვილის ქუჩის პირველი გასასვლელის დამაკავშირებელ გზაზეც.

პარალელურ რეჟიმში, 56 შიდა ეზოს რეაბილიტაციის პროექტის ფარგლებში, ბათუმის ქუჩის #17, მე-12 მიკრორაიონის #32, #34, მე-17 მიკრორაიონის #10,#18,#19, მე-19 მიკრორაიონის #4, #7, #8, #10, #12, #18, მე-20 მიკრორაიონის #16, #20, მე-20 მიკრორაიონის #16, #20 საცხოვრებელი კორპუსების მიმდებარედ მინი სკვერები ეწყობა, შიდა ეზოებში საფეხმავლო ბილიკები და ბორდიურები ეწყობა, მონტაჟდება სკამები და განათების თანამედროვე სისტემა. სამუშაოებს ელექტრონულ ტენდერში გამარჯვებული კომპანია შპს „ალგეთი“ აწარმოებს.