კომუნიკაციების კომისია სხდომების ე.წ. Live Stream-ით ტრანსლირებას გეგმავს
კომუნიკაციების ეროვნული კომისია მეტი საჯაროობის უზრუნველსაყოფად სხდომების ინტერნეტში რეალურ დროში ტრანსლირებას გეგმავს.
კომისიამ ტრანსლირების სისტემის (ე.წ Live Stream) შესყიდვის მიზნით ტენდერი უკვე გამოაცხადა.
როგორც სატენდერო დოკუმენტაციაში ვკითხულობთ, წინადადებების მიღება 5 ივნისს დაიწყება და 7 ივნისს დასრულდება. შესყიდვის სავარაუდო ღირებულება 13 500 ლარია.