ცირკის მიმდებარე ტერიტორიაზე ახალი სკვერის მოწყობა დასრულდა
გმირთა მოედანზე, ცირკის მიმდებარედ ახალი სკვერის მოწყობის სამუშაოები დასრულდა.
როგორც თბილისის მერია იუწყება, დაიგო მწვანე საფარი, მოეწყო ბილიკები და ბორდიურები, შეიცვალა განათების სისტემა, დაირგო სხვადასხვა ჯიშის ხე-მცენარე.
აღსანიშნავია, რომ სკვერი ადაპტირებულია შეზღუდული შესაძლებლობის მქონე პირებისთვის, ასევე, პროექტის ფარგლებში, განახლდა გმირთა მოედნის ესტაკადაზე განთავსებული საყვავილე ქოთნები.