„ყველა ღარიბი კიდევ უფრო გაღარიბდება“

ეკონომიკის დოქტორი აკაკი ცომაია „ფეისბუქის“ საკუთარ გვერდზე საკანონმდებლო ცვლილების შესახებ წერს და მათ მოსალოდნელ შედეგებზე საუბრობს.

"ბიზნესპრესნიუსი" აკაკი ცომაიას პოსტს უცვლელად გთავაზობთ:

"1. მიწის უცხოელებზე გაყიდვის აკრძალვა

2. შრომის ინსპექციის შემოღება

3. კონსტიტუციის 94-ე მუხლის გადახედვა

4. ჯანდაცვის სფეროში ვერტიკალური ინტეგრაციის აკრძალვა

5. სავალდებულო ავტოდაზღვევა

შედეგი: 2 წლის შემდეგ

1. დამატებით ნაკლები სამუშაო ადგილი შეიქმნება

2. არსებული ბიზნესები შევიწროვდებიან, მძიმე ტვირთი განსაკუთრებით მცირე და საშუალო ბიზნესს დააწვება, რაც შეამცირებს სამუშაო ადგილებს.

3. შემცირებული ეკონომიკური აქტივობა შეამცირებს მოხმარებას, რაც კიდევ უფრო მძიმე ტვირთად დააწვება მცირე და საშუალო ბიზნესს და გააღარიბებს ადამიანებს.

4. თუ გადასახადები გაიზარდა, ფასების დონეც გაიზრდება, როგორც ეს უკვე მოხდა მასე შემდეგ, როდესაც აქციზის გადასახადი გაზარდეს

5. სადაზღვევოები აწი უფრო ცუდ პაკეტს შემოგთავაზებენ, რადგან ავტოდაზღვევით გარანტირებული შემოსავალი ექნებათ

6. ვერტიკალური ინტეგრაციის აკრძალვით ფასეულობათა მიწოდების ჯაჭვში ხარჯები მოიმატებს. დიდი ალბათობით, წამლები კიდევ უფრო მეტად გაძვირდება

საერთო დასკვნა: ყველა ღარიბი კიდევ უფრო მეტად გაღარიბდება.

ამოაგდეთ ეს პოსტი 2 წლის მერე და მეკამათეთ რა შედეგი ვერ გავთვალე.

დაიწყვეთ გულზე ხელები და ადევნეთ თვალყური, როგორ იზრდიან ამ ფონზე პრემიებს და დანამატებს.

გილოცავთ ყველაზე უგუნური, უტვინო და უპასუხისხმგებლო ხელისუფლების არჩევას, რომელიც ოდესმე გვყოლია!

1. შრომის ინსპექციის მიუხედავად, უბედური შემთხვევების რიცხვი საწარმოო ობიექტზე მაინც არ შემცირდება

2. ვერტიკალური ინტეგრაციის აკრძალვის მიუხედავად, ექიმების ფარმაცევტულ კომპანიებთან ჩამოყალიბებული ურთიერთობა მაინც არ მოიშლება

3. 94-ე მუხლის გაუქმებით, ღარიბის კეთილდღეობა არ გაიზრდება

4. სავალდებულო ავტოდაზღვევა პირდაპირ თქვენს ჯიბეს დაარტყამს და ავტოინციდენტების რაოდენობა კიდევ უფრო მეტად გაიზრდება.

და ასე შემდეგ." - წერს აკაკი ცომაია