ბუნებრივი აირის ახალი ტარიფების დადგენა ივლისში მოხდება
ბუნებრივი აირის ახალი ტარიფების დადგენა ივლისში მოხდება. ამის შესახებ ენერგეტიკისა და წყალმომარაგების მარეგულირებელი ეროვნული კომისიის წევრმა გიორგი ფანგანმა განაცხადა.
როგორც გიორგი ფანგანმა აღნიშნა, სემეკი დაადგენს ბუნებრივი აირის 3 გამანაწილებელი და ერთი ტრანსპორტირების კომპანიის ტარიფებს. რაც შეეხება მოლოდინებს, სემეკის წევრის თქმით, აღნიშნულთან დაკავშირებით ვერაფერს იტყვის.
ენერგეტიკისა და წყალმომარაგების მარეგულირებელ ეროვნულ კომისიას სატარიფო განაცხადით 3-მა ლიცენზიანტმა კომპანიამ - „ყაზტრანსგაზმა", „საქორგაზმა" და ,,სოკარ ჯორჯია გაზმა", ასევე ტრანსპორტირების ლიცენზიანტმა - „გაზის ტრანსპორტირების კომპანიამ" მიმართა.