„სადახლოზე“ 4000 ღერი არადეკლარირებული სიგარეტი აღმოაჩინეს
საბაჟო გამშვებ პუნქტში „სადახლო საავტომობილო“ 4000 ღერი არადეკლარირებული სიგარეტი აღმოაჩინეს. ამის შესახებ ფინანსთა სამინისტროს შემოსავლების სამსახურიდან იუწყებიან.
მათივე ინფორმაციით, 8-9 აგვისტოს, საბაჟო გამშვებ პუნქტში „სადახლო-საავტომობილო“ ფინანსთა სამინისტროს შემოსავლების სამსახურის მებაჟე ოფიცრებმა, ქვეყანაში არადეკლარირებული სიგარეტის შემოტანის ორი ფაქტი აღკვეთეს. ჯამში 4000 ღერი არადეკლარირებული სიგარეტი სომხეთის მოქალაქეების მ.კ-სა და ს.ბ-ს მანქანაში მოწყობილ სამალავსა და ხელბარგში იპოვეს.
საქართველოს საგდასახადო კოდექსის 289-ე მუხლის მე-14 ნაწილის შესაბამისად, სამართალდამრღვევ პირებს სანქციის სახით შეეფარდათ ფულადი ჯარიმა ათას-ათასი ლარის ოდენობით. ასევე, ჩამოერთვა საქონელი.