მგზავრთა სარეგისტრაციო პროგრამის გათიშვის გამო, თბილისის საერთაშორისო აეროპორტში ავიარეისები შეფერხებით სრულდება
თბილისის საერთაშორისო აეროპორტიდან ავიარეისები შეფერხებით სრულდება.
”ახალი საქართველოს” ლიდერი გიორგი ვაშაძე სოციალურ ქსელში ვიდეოს ავრცელებს, რომელშიც ჩანს, რომ მგზავრები რეგისტრაციის გასავლელად გრძელ რიგებში დგანან.
ვაშაძის ინფორმაციით, შეფერხების მიზეზი აეროპორტის ელექტრონული პროგრამის გათიშვაა, რის გამოც ავიაკომპანიების წარმომადგენლებს მგზავრების რეგისტრაციაში გატარება, ისე როგორც ბარგის აღრიცხვა ხელით უწევთ.
მისივე განცხადებით, ყველა რეისი დაახლოებით 2-საათიანი დაგვიანებით სრულდება.