აშშ-ში ტრამპის მხარდამჭერი სახლს მხოლოდ ამერიკელებზე ყიდის
მიჩიგანის შტატში ქალაქ მეისონში იყიდება სახლი, რომლის ყიდვაც მხოლოდ ამერიკელებს შეუძლიათ.
სახლის მესაკუთრემ ტერასაზე წარწერა განათავსა, რომ ეძებს ნებისმიერ მყიდველს, გარდა უცხოელისა.
უძრავი ქონების მეპატრონე ჯეიმს პრატერი აშშ-ის პრეზიდენტის დონალდ ტრამპის დიდი თაყვანისმცემელია და მხარდამჭერია.
„დონალდ ტრამპმა თავისუფლება დაგვიბრუნა“, - აღნიშნავს პრატერი, რომლის თქმით, უარს ამბობს, სახლი უცხოელებს მიჰყიდოს.
მიჩიგანის შტატის სამოქალაქო უფლებების დეპარტამენტში მიიჩნევენ, რომ პრატერის განცხადება არღვევს შტატის კანონებსა და ფედერალურ ნორმებს. ერთ-ერთი ნორმის მიხედვით, უძრავი ქონების გაყიდვის, იჯარით გაცემის ან დაფინანსების დროს თავიდან უნდა იყოს აცილებული ნებისმიერი სახის დისკრიმინაცია.
სახლის საშუალო ღირებულება 140-170 ათას აშშ დოლარს შეადგენს.