პატრულის თანამშრომლებმა „ლეიბორისტული პარტიის“ წევრებს სემეკ-ის დარბაზი ძალის გამოყენებით დაატოვებინეს
საპატრულო პოლიციის წარმომადგენლებმა „ლეიბორისტული პარტიის“ წევრებს სემეკ-ის ის დარბაზი ძალის გამოყენებით დაატოვებინეს, სადაც საჯარო სხდომები ტარდება.
როგორც კორესპონდენტი ადგილიდან იუწყება, ამ წუთებში სამართალდამცავებს „ლეიბორისტები“ სემეკ-ის შენობიდან გაჰყავთ.
„ლეიბორისტული პარტიის“ წევრებმა, რომლებიც ელექტროენერგიის ტარიფის შესაძლო გაძვირებას აპროტესტებენ, სემეკ-ის წევრებს დღეს სხდომის ჩატარების საშუალება არ მისცეს.
მოგვიანებით, სემეკ-ში პარტიის ლიდერი შალვა ნათელაშვილიც მივიდა, რომელმაც სხდომათა დარბაზში მჯდომარე აქცია დაიწყო.