ბოლო 6 თვის მონაცემებით, საქართველოში 3 331 ავტოსაგზაო შემთხვევა დაფიქსირდა

ბოლო 6 თვის მონაცემებით, საქართველოში 3 331 ავტოსაგზაო შემთხვევა დაფიქსირდა, დაშავდა 4 696 და გარდაიცვალა 275 ადამიანი.

ავტოსაგზაო შემთხვევების მაქსიმალური მაჩვენებელი მაისი-ივლისის თვეში ფიქსირდება. მხოლოდ ივლისის თვეში 537 ავტოსაგზაო შემთხვევა დაფიქსირდა, დაშავდა 778 და გარდაიცვალა 42 ადამიანი.

„ინტერპრესნიუსის“ მიერ შსს-დან გამოთხოვილი სტატისტიკური მონაცემების თანახმად, მიმდინარე წლის იანვარში 499 ავტოსაგზაო შემთხვევა დაფიქსირდა, რომლის შედეგად 58 ადამიანი გარდაიცვალა, ხოლო სხეულის სხვადასხვა დაზიანება 735 ადამიანმა მიიღო. თებერვლის მონაცემებით, 406 ავტოსაგზაო შემთხვევა მოხდა, გარდაიცვალა 26 ადამიანი, დაზიანება მიიღო 542 ადამიანმა.

427 ავტოსაგზაო შემთხვევა დაფიქსირდა მარტში. შს სამინისტროს ინფორმაციით, გარდაიცვალა 26 ადამიანი, ხოლო დაშავდა 579 ადამიანი. ოდნავ გაზრდილი მონაცემები ფიქსირდება აპრილის თვეში, ოფიციალური მონაცემებით, დაფიქსირდა 455 ავტოსაგზაო შემთხვევა, სადაც 44 ადამიანი დაიღუპა, 643 მოქალაქემ კი სხეულის სხვადასხვა დაზიანება მიიღო.

მზარდი სტატისტური მონაცემია მაისის თვეში, სადაც 504 ავტოსაგზაო შემთხვევის შედეგად, 43 ადამიანი გარდაიცვალა, 734 მოქალაქემ კი სხეულის სხვადასხვა დაზიანება მიიღო. თითქმის ანალოგიურ მონაცემები ფიქსირდება ივნისის თვეში. ოფიციალური ინფორმაციით, დაფიქსირდა 503 ავტოსაგზაო შემთხვევა, გარდაიცვალა 36 და დაშავდა 685 ადამიანი. მზარდი სტატისტიკა ნარჩუნდება ივლისის თვეში. შს სამინისტროს სტატისტიკური მონაცემებით, დაფიქსირებულია 537 ავტოსაგზაო შემთხვევა, გარდაცვლილია 42 ადამიანი და დაშავდა 778 მოქალაქე.