ხაშურში, კავშირგაბმულობის ყოფილ შენობაში ხანძარია
ხაშურში, იმერეთის ქუჩაზე მდებარე, კავშირგაბმულობის ყოფილ შენობაში ხანძარია.
როგორც „ინტერპრესნიუსის“ კორესპონდენტი ადგილიდან იუწყება, ცეცხლი ცოტა ხნის წინ გაჩნდა.
ამ დროისთვის ცეცხლი სახურავსა და შენობის მეორე სართულს უკიდია.
ხანძრის ლოკალიზებას 4 სახანძრო-სამაშველო ჯგუფი ცდილობს, თუმცა ჯერჯერობით ლიკვიდაცია ვერ ხერხდება.
ამ დროისთვის შენობაში რაიმე დაწესებულება განთავსებული არ არის.
ხანძრის გაჩენის მიზეზი უცნობია. მიმდინარეობს გამოძიება.