„საქართველოს ბანკი“ ხანძრის პრევენციისთვის 1 მილიონ ლარს გამოყოფს

„საქართველოს ბანკი“ საქართველოს მასშტაბით სტიქიის შედეგად დამწვარი ტერიტორიის აღდგენისა და ხანძრის პრევენციისთვის 1 მილიონ ლარს გამოყოფს, - ამის შესახებ „საქართველოს ბანკი“ იუწყება.

როგორც ბანკში აცხადებენ, ბოლო დღეების განმავლობაში სტიქიიდან გამომდინარე მართლაც მძიმე დღეები გამოიარა ქვეყანამ, „საქართველოს ბანკი“ მადლობას უხდის თითოეულ ადამიანს, ვინც ჩართული იყო სტიქიასთან ბრძოლაში და სწორედ მათი თავდაუზოგავი ძალისხმევის შედეგია, სტიქიასთან გამკლავება.

„ამასთან, რამდენიმე დღეში მომხმარებლისთვის კვლავ მისაწვდომი იქნება „საქართველოს ბანკის“ „მწვანე ანაბარი“, რომლის ფარგლებშიც 2008 წელს ბორჯომში დამწყვარი ტყის ნაწილის აღდგენა მოხდა. დღეს აღდგენის მიზნით მხარდაჭერა მნიშვნელოვანია ისე, როგორც არასდროს, ერთობლივი ძალებით საქართველოს აღვადგენთ“, - ნათქვამია „საქართველოს ბანკის“ მიერ გავრცელებულ განცხადებაში.