Google-მა Android-ის ახალი, მერვე ვერსია გამოუშვა

Google-მა მობილური ოპერაციული სისტემა Android-ის ახალი, მერვე ვერსია გამოუშვა.

მისი სახელი Oreo იქნება - კრემიანი ნამცხვრის საპატივცემულოდ. Android Oreo-ს გამოშვება მზის დაბნელებას მიეძღვნა, რომლის ნახვაც აშშ-ს ტერიტორიაზე 21 აგვისტოს იყო შესაძლებელი.

ახალ ოპერაციულ სისტემას რეჟიმ ”სურათი სურათში” მუშაობის შესაძლებლობა დაემატა. მაგალითად, ვიდეოჩატში საუბრის პარალელურად სხვა აპლიკაციების გამოყენებაც შეიძლება. შეტყობინებების შემოწმება ახლა თითოეული აპლიკაციისთვის ცალ-ცალკე იქნება შესაძლებელი.

Oreo-ში ასევე ლოგინების და პაროლების ავტოშევსების ჩართვა იქნება შესაძლებელი, ხოლო მძინარე რეჟიმში აპლიკაციებს რესურსების შეზღუდვა დაუწესდებათ, რაც ბატარეის სიცოცხლეს გაახანგრძლივებს.

Android-ის ახალი ვერსიები დაახლოებით წელიწადში ერთხელ გამოდის. წინა, მეშვიდე ვერსია Nougat 2016 წლის აგვისტოში გამოვიდა.