ნეირომარკეტინგი რეკლამაში

ნეირომარკეტინგი, როგორც მომხმარებლის ქცევაზე გავლენის ინსტრუმენტი, სულ უფრო მეტად პოპულარული ხდება პრაქტიკოს მარკეტოლოგთა შორის.

მეტიც, ისინი მიიჩნევენ, რომ წარმატებული სარეკლამო კამპანიისთვის ნეირომარკეტინგი აუცილებელი პირობაა.

მარკეტოლოგები ნეირომარკეტინგს ახალი პროდუქტის შექმნისა და ჩაშვების დროს. ეს მეთოდი ეხმარება მათ მეცნიერული სიზუსტით განსაზღვრონ რა ფერი, სიტყვა, ხმა, სუნი და გემო იზიდავს რეკლამისადმკვეთის მიზნობრივ აუდიტორიას და რა გავლენას ახდენს მათ ქვეცნობიერზე.

ტერმინი ნეირომარკეტინგი პირველად, 2002 წელს პროფესორმა ეილ სმიდტსმაგამოიყენა. ამ ტერმინის მეშვეობით მათ აღწერა ნეირობიოლოგიის კომერციული გამოყენების მნიშვნელობა მარკეტინგული ღონისძიებების ეფექტურობის გაზრდის მიზნით.

ნეირომარკეტინგის მიზანია განსაზღვროს მომხმარებლის ჭეშმარიტი რეაქცია, რაც მარკეტილოგებს საშუალებას აძლევს მაქსიმალურად ეფექტური სარეკლამო კომუნიკაცია შეიმუშავონ.

ნეირომარკეტინგის ერთ-ერთი საუკეთოსო მაგალითია სნეკების მწარმოებელი კომპანია Cheetos-ის ექსპერიმენტი, რომელშიც ერთმანეთისთვის უცნობი ქალები მონაწილეობდნენ. კვლევის პირველ ეტაპზე ქალბატონებს აჩვენეს Cheetos-ის ახალი რგოლი, რომელშიც გაბრაზებული ქალბატონი Cheetos-ის ფერად სნეკებს თეთრ ტანსაცმელს ურევს და ასე რეცხავს. ამ ქმედებით ქალბატონი ცდილობს ჯავრი იყაროს ტანსაცმლის მეპატრონეზე. რგოლის ნახვის შემდეგ პრაქტიკულად ყველა ქალბატონმა უარყოფითად შეაფასა რეკლამა და განაცხადა, რომ ძალიან გამაღიზიანებელი და მიუღებელი იყო.

ექსპერიმენტის მეორე ეტაპი ამავე რეკლამაზე ამ ქალბატონების ტვინის რეაქციის გამოკვლევას გულისხმობდა. რაოდენ უცნაურიც არ უნდა იყოს, რეკლამისადმი „ჭეშმარიტი დამოკიდებულება“ პირველი ეტაპისგან რადიკალურად განსხვავებული გამოდგა. კვლევის შედეგებმა აჩვენა, რომ რეკლამაში გადმოცემული სიუჟეტი და სახეები ქალბატონებისთვის სინამდვილეში მისაღები იყო.

ნეირომარკეტინგში ადამიანის სამომხმარებლო ქცევაზე გავლენის ხუთი ძირითადი არხი გამოიყენება: ხედვა - ვიზუალური ეფექტები, ყნოსვა - სუნი, სმენა - აუდიო, ხმები; გემო და შეხება - შეგრძნებები.

როგორც წესი, დიდი ბრენდები სარეკლამო კამპანიის დაწყებამდე თანხებს არ ზოგავენ ძვირად ღირებულ კვლევებზე და ხშირად მიმართავენ ნეირომარკეტინგს. მსხვილი ბრენდების - P&G, „ჯენერალ მოტორსისა“ და „კოკა-კოლას“ აზრით, 100%-ით დარწმუნებული უნდა იყვნენ, რომ სარეკლამო გზავნილში უმნიშვნელო დეტალიც კი  თავის ფუნქციას ასრულებს და ადამიანში საჭირო რეაქციას იწვევს.