2017 წელს მსოფლიოში ონლაინ ვიდეორეკლამაზე დანახარჯები 237%-ით გაიზრდება

ყოველდღიურად ადამიანები საკმაოდ დიდ დროს უთმობენ ვიდეოს ნახვას.

მიუხედავად იმისა, რომ ტელევიზია ვიდეოს ნომერ პირველ წყაროდ რჩება, სულ უფრო მატულობს ონლაინ ვიდეოს მნახველთა რაოდენობა,

„ბლუმბერგის“ მონაცემებით, ონლაინ ვიდეო ყოველწლიურად 50%-ით იზრდება. ანალიტიკოსთა პროგნოზით კი, 2017 წელს ვიდეოს გლობალური მოხმარების სამომხმარებლო ინტერნეტ-ტრაფიკის 70%-ს მიაღწევს. მათივე თქმით, საკმაოდ სწრაფად იზრდება ონლაინ ვიდეო რეკლამის სეგმენტიც.

„ბლუმბერგის“ კვლევის თანახმად, მიმდინარე წელს აშშ-ში ონლაინ ვიდეორეკლამაზე დანახარჯები 2013 წელთან შედარებით 222%-ით გაიზრდება და 9,1 მილიარდ დოლარს შეადგენს, ჩინეთში ზრდა 219% იქნება - 895 მილიონი დოლარი, დიდი ბრიტანეთში - 251% - 685 მილიონი დოლარი, ავსტრალიაში კი 413% - 553 მილიონი დოლარი. საერთო ჯამში, „ბლუმბერგის“ ანალიტიკოსთან მონაცემებით, მსოფლიოში წელს, 2013 წელთან შედარებით ონლაინ ვიდეორეკლამაზე დანახარჯები 237%-ით გაიზრდება და 12,1 მილიარდ დოლარს მიაღწევს.

ამავე კვლევით, რეკლამისდამკვეთთა 75% მიიჩნევს, რომ ონლაინ ინტერნეტში ვიდეორეკლამა ისეთივე ეფექტურია, როგორც სატელევიზიო რეკლამა, ან სულაც უკეთესი. კვლევაში მონაწილთა 90%-ის მოსაზრებით კი, ციფრულ ვიდეორეკლამას ისეთივე დიდი გამოხმაურება აქვს, როგორც დისპლეი რეკლამას.

როგორც კვლევაშია ნათქვამი, ონლაინ ვიდეორეკლამის ბაზრის ძირითადი დამკვეთები ავტომობილების სფეროს წარმომადგენლები არიან 19%, მათ მოსდევს რითეილის სფერო - 18%, ტექნოლოგიები - 17% და სამომხმარებლო საქონლის მწარმოებლები - 14%.