იანვარი-ივლისში კომერციულმა ბანკებმა 191.5 მილიონი ლარის ქონება დაისაკუთრეს

მიმდინარე წლის ივლისის მონაცემებით, კომერციული ბანკების მიერ დასაკუთრებულმა ქონებამ 191.5 მილიონი ლარი შეადგინა.

ეს ციფრი წინა წლის ანალოგიურ პერიოდთან შედარებით 63 მილიონი ლარით მეტია. კერძოდ, 2016 წლის იანვარი-ივლისის პერიოდში კომერციული ბანკების მიერ დასაკუთრებულმა ქონებამ 128.5 მილიონი ლარი შეადგინა.

ამასთან, საანგარიშო პერიოდში კომერციულმა ბანკებმა 6.3 მილიონი ლარის ვადაგადაცილებული სესხები ამოიღეს; გასული წლის ანალოგიურ პერიოდში ეს მონაცემი 4.7 მილიონი ლარი იყო.

როგორც ეროვნული ბანკის საფინანსო სექტორის მიმოხილვაში ვკითხულობთ, ბანკების მიერ ჩამოწერილმა სესხებმა 2017 წლის 1-ელ შვიდ თვეში 20.9 მილიონი ლარი შეადგინა.