ანზორ სვანიძე - ფულადი ჯილდო ბორჯომის მუნიციპალიტეტში 11-მა თანამშრომელმა დამსახურებულად მიიღო
ბორჯომის მუნიციპალიტეტის გამგებლის პირველი მოადგილის ანზორ სვანიძის განცხადებით, გამგეობის თანამშრომლებმა ფულადი ჯილდო დამსახურებულად მიიღეს.
ანზორ სვანიძემ აცხადებს, რომ ფულადი თანხა გადაეცა იმ თანამშრომლებს, რომლებიც „აგვისტოს თვეში გაჩენილი ხანძრის დროს 8-10 დღის განმავლობაში დღე და ღამე თავდაუზოგავად შრომობდნენ და საკუთარი ხარჯებითაც და რესურებით ცდილობდნენ მეხანძრე-მაშველების მომარაგებას როგორც საკვებით, ასევე სხვა პირადი მოხმარების ნივთებით“.
„ამასთანავე ხანძრის დროს ბორჯომის მუნიციპალიტეტის სარეზერვო ფონდიდან მოხდა თანხების გამოყოფა, რომელიც გაიხარჯა ადგილობრივი და მეზობელი ქვეყნებიდან ჩამოსული მეხანძრე-მაშველების კვების, დაბინავებისა და ტრანსპორტირებისათვის“, - განმარტავს ანზორ სვანიძე.