შვეიცარიული შოკოლადის კომპანია იმერეთში თხილის წარმოებას გეგმავს

შოკოლადის მწარმოებელი შვეიცარიული კომპანია Camille Bloch იმერეთში თხილის წარმოებას გეგმავს.

ინფორმაციას ამის შესახებ იმერეთის სახელმწიფო რწმუნებულის ადმინისტრაცია ავრცელებს.

მათივე ცნობით, ამ ეტაპზე Camille Bloch-ის წარმომადგენლები, იმერეთის რეგიონის რამდენიმე მუნიციპალიტეტში, პლანტაციებისთვის შესაბამისი ტერიტორიების მოძიებაზე მუშაობენ.

შვეიცარიული კომპანია საქართველოში თხილის პლანტაციების გაშენებითა და ამ სფეროში ახალი ტექნოლოგიების დანერგვით არის დაინტერესებული. იმერეთის ვიცე-გუბერნატორმა შვეიცარიელებს იმერეთის მხარეში თხილის სექტორში არსებული რესურსი გააცნო და მის მაღალ ხარისხზე ისაუბრა.

კერძოდ, იმერეთში სახელმწიფო რწმუნებულის-გუბერნატორის მოადგილე იოსებ ხახალეიშვილი შვეიცარიული შოკოლადის მწარმოებელი კომპანიის Camille Bloch-ის მფლობელს დანიელ ბლოხს შეხვდა. შეხვედრას ასევე, საქარველოში შვეიცარიის კონფედერაციაში საქართველოს საელჩოს უფროსი მრჩეველი ილია მარჯანიძე ესწრებოდა.

იხილეთ ინგლისური ვერსია: Swiss ChocolateCompany Camille Bloch to produce nuts in Imereti, Georgia