სამართალდამცავებმა ტაშკენტის ქუჩაზე ყაჩაღობაში ბრალდებულის ვინაობა დაადგინეს
სამართალდამცავებმა ტაშკენტის ქუჩაზე ყაჩაღობაში ბრალდებულის ვინაობა დაადგინეს. როგორც შინაგან საქმეთა სამინისტროში აცხადებენ, მიმდინრეობს შესაბამისი ღონისძიებები დამნაშავის დასაკავებლად.
მათივე ინფორმაციით, მომხდარზე გამოძიება სისხლის სამართლის კოდექსის 179-ე მუხლით დაიწყო, რაც ყაჩაღობას გულისხმობს.
თბილისში, ტაშკენტის ქუჩაზე მაღაზია დააყაჩაღეს. ერთ-ერთი თვითმხილველის ინფორმაციით, ყაჩაღობის ადგილას რამდენიმე გასროლის ხმა გაიგო.
ტაშკენტის # 23-ში, სადაც ყაჩაღობის ფაქტი მოხდა, ამ წუთებში შინაგან საქმეთა სამინისტროს თანამშრომლები მუშაობენ. ადგილზე ასევე იმყოფებოდა სასწრაფო-სამედიცინო დახმარების ერთი ჯგუფი.