მიხეილ სააკაშვილი 130 დოლარით დაჯარიმდა
ლვოვის ოლქის ქალაქ მოსტისკას რაიონულ სასამართლოში საქართველოს ყოფილი პრეზიდენტის, ოდესის ოლქის ყოფილი გუბერნატორის მიხეილ სააკაშვილის წინააღმდეგ საზღვრის უკანონო გადაკვეთის საქმეზე მოსამართლე იური ბილოუსმა გადაწყვეტილება გამოაცხადა.
მოსამართლე გადაწყვეტილებას დაახლოებით 30 წუთის განმავლობაში კითხულობდა.
მოსამართლის გადაწყვეტილებით, მიხეილ სააკაშვილი ცნობილია დამნაშავედ უკრაინის სახელმწიფო საზღვრის უკანონო გადაკვეთის გამო. სააკაშვილს ფულადი ჯარიმის გადახდა დაეკისრა. ოდესის ყოფილ გუბერნატორს 3400 გრივნის ოდენობით ჯარიმის გადახდა მოუწევს, რაც 130 აშშ დოლარს უდრის.