Forbes-მა ანგელა მერკელი მსოფლიოს ყველაზე გავლენიან ქალად დაასახელა
ამერიკულმა ჟურნალმა Forbes მსოფლიოს 100 ყველაზე გავლენიანი ქალის რეიტინგი გამოაქვეყნა.
რეიტინგში პირველი ადგილი გერმანიის კანცლერს ანგელა მერკელს ხვდა.
მეორე ადგილზე აღმოჩნდა დიდი ბრიტანეთის პრემიერ-მინისტრი ტერეზა მეი, რომელიც რეიტინგში პოლიტიკაში მიღწეული წარმატებებისა და Brexit-ის პროცედურის დაწყების გამო მოხვდა.
მესამე ადგილზეა მილიარდერ ბილ გეიტსის მეუღლე მელინდა გეიტსი, რომელმაც წლის განმავლობაში მეუღლესთან ერთად გრანტებზე 40 მილიარდ დოლარზე მეტი დახარჯა.
პირველ ხუთეულში ასევე მოხვდნენ Facebook-ის ოპერაციული დირექტორი შერილ სანდბერგი და General Motors-ის გენერალური დირექტორი მერი ბარა.
ყველაზე დრამატული ცვლილება ჰილარი კლინტონს შეეხო, რომელმაც ერთ წელიწადში მეორე ადგილიდან 67-ე პოზიციაზე გადაინაცვლა.
დიდი ბრიტანეთის დედოფალი ელისაბედ II 26-ე პოზიციაზე, აშშ-ის პრეზიდენტის ქალიშვილი და მრჩეველი ივანკა ტრამპი კი 19-ე პოზიციაზე არიან.
რეიტინგში საერთაშორისო სავალუტო ფონდის ხელმღვანელმა კრისტინ ლაგარდმა მე-8, ხოლო ევროკავშირის უმაღლესმა წარმომადგენელმა საგარეო პოლიტიკისა და უსაფრთხოების საკითხებში ფედერიკა მოგერინიმ - მე-17 ადგილი დაიკავა.