კახა კალაძე - ყვითელი ავტობუსები არის სასწრაფოდ ჩასანაცვლებელი, კრიტიკას ვერ უძლებს
ყვითელი ავტობუსები არის სასწრაფოდ ჩასანაცვლებელი, - ამის შესახებ თბილისის ახლად არჩეულმა მერმა კახა კალაძემ განაცხადა, რომელმაც დედაქალაქში რამდენიმე ავტობუსით იმგზავრა.
კალაძის თქმით, დღეს პირადად გაეცნო როგორც ე.წ. ყვითელ, ასევე ახალ ავტობუსებში არსებულ მდგომარეობას.
”ვიყავი მეტროში, ვნახე ავტობუსების მდგომარეობაც. კარგად ჩანს, რომ ყვითელი ავტობუსები არის სასწრაფოდ ჩასანაცვლებელი. ძალიან დიდი სხვაობაა ახალ, ლურჯ ავტობუსებსა და ყვითელ ავტობუსებს შორის, რომელიც კრიტიკას ვერ უძლებს. შესაბამისად, ძალიან მალე განვახორციელებთ პროექტს, რომლის მიხედვითაც ჩანაცვლდება ე.წ. ყვითელი ავტობუსები ეკოლოგიურად სუფთა, კომფორტული ავტობუსებით”, - განაცხადა კალაძემ.