აზიურ ფაროსანასთან საბრძოლველად გამოყოფილი თანხა 10 მილიონი ლარით გაიზრდება
2018 წელს აზიურ ფაროსანასთან საბრძოლველად ბიუჯეტიდან გამოყოფილი თანხა 10 მილიონი ლარით გაიზრდება.
როგორც ბიუჯეტის პროექტის შესწორებულ ვარიანტშია აღნიშნული, აზიური ფაროსანას წინააღმდეგ გასატარებელი ღონისძიებების დაფინანსება 4 მილიონი ლარიდან 14 მილიონ ლარამდეა გაზრდილი.
„აზიური ფაროსანას წინააღმდეგ გასატარებელი ღონისძიებების დაგეგმვის მიზნით კვლავ გრძელდება მუშაობა და ბიუჯეტის პროექტის საბოლოო ვარიანტის მომზადებისას გათვალისწინებული იქნება სათანადო რესურსი აღნიშნული მიმართულებით,“ - აღნიშნულია პროექტში.
ამასთან, სოფლის მეურნეობის სამინისტროსთვის გამოყოფილია 276 მილიონი ლარი.