საქართველოში iPhone X-ის გაყიდვები 5 ნოემბრიდან დაიწყება.
როგორც ერთ-ერთ მაღაზიაში აცხადებენ, იქიდან გამომდინარე, რომ iPhone X ბაზარზე ჯერჯერობით დეფიციტურია, მისი ღირებულება საშუალოდ 4 999 ლარი იქნება. თუმცა, მათი ცნობით, რამდენიმე კვირაში ფასი სავარაუდოდ, დასტაბილურდება.
აღსანიშნავია, რომ iPhone X-ის ექსკლუზიური მოდელი 29 ოქტომბერს, საქართველოს მოქალაქემ 19 999 ლარად შეიძინა.
iPhone X ამერიკულმა კორპორაცია Apple-მა 8 სექტემბერს წარადგინა. მას უკვე უწოდეს მომავლის სმარტფონი.