Apple iMac Pro-ს გაყიდვები 14 დეკემბერს დაიწყება

კომპანია Apple-ის ყველაზე სასურველი iMac-ის მოდელი Pro, 14 დეკემბერს გაყიდვაში გამოვა და მისი სასტარტო ღირებულება 4 999 დოლარიდან დაიწყება.

ამ დროისთვის მისი სრული ტექნიკური კონფიგურაცია უცნობია, თუმცა ვიცით, რომ ის წარმოდგენილი იქნება უახლესი 8 ბირთვიანი Xeon პროცესორით, 32GB ოპერაციული მეხსიერებითა და 1TB მყარი დისკის საცავით (ე.წ. ვინჩესტერით).

სიახლემ ასევე მიიღო Radeon Vega Pro გრაფიკული ბარათი 8GB ოპერაციული მეხსიერებით. ასევე შეგიძლიათ უფრო მძლავრი ვერსია შეარჩიოთ, რომელიც წარმოდგენილი იქნება 18-ბირთვიანი Xeon პროცესორით, 128GB ოპერაციული მეხსიერებით, 4TB საცავითა და 16GB Vega კარტით. ამ შემთხვევაში ფასი, რა თქმა უნდა, გაცილებით მაღალი იქნება. თუმცა, იმის გამო, რომ ამ მოდელის გაყიდვები ახალ წლამდე არ დაიწყება, ჯერ მისი ზუსტი ღირებულება უცნობია.

შეგახსენებთ, ამჟამად გაყიდვაშია მოდელი, რომელიც კომპანიამ 2013 წელს წარმოადგინა და მას შემდეგ არ განუახლებია.

კოკა კვირკველია