ევროკავშირი ბიტკოინის მიმოქცევას საკუთარ ტერიტორიაზე მკაცრად გააკონტროლებს
ევროკავშირის წევრი ქვეყნები მკაცრ ზომებს მიიღებენ ბიტკოინთან დაკავშირებით.
როგორც გამოცემა Reuters-ი წერს, საკანონმდებლო ინიციატივის მიზეზია ის, რომ ევროკავშირმა თავიდან აიცილოს კრიპტოვალუტის გამოყენებით ფულის გათეთრება და ტერორიზმის დაფინანსება.
გამოცემა წერს, რომ ეს შეთანხმება არის გეგმის ნაწილი, რომელმაც ხელი უნდა შეუწყოს ფინანსური დანაშაულებისა და გადასახადების თავიდან არიდების მინიმუმამდე დაყვანას. ამავე მიზნისთვის მათ უკვე დაუჭირეს მხარი წინასწარ გადახდის ბარათებით ანონიმური გადარიცხვების აკრძალვას.
„დღევანდელი გადაწყვეტილება მოიტანს მეტ გამჭვირვალობას ფულის გათეთრებისა და ფინანსური ტერორიზმის წინააღმდეგ ბრძოლის საქმეში“ - განაცხადა ევროკავშირის ისუტიციის კომისარმა, ვერა ჟუროვამ.
ახალი კანონის მიხედვით, კრიპტოვალუტით მოვაჭრე ვირტუალური პლატფორმები იძულებული იქნებიან მომხმარებლის იდენტიფიცირება მოახდინონ.
როგორც ირკვევა, ევროკავშირის ეს გადაწყვეტილება ბიტკოინის კურსის სწრაფმა ზრდამ განაპირობა და კანონის საკუთარი ქვეყნების კანონმდებლობასთან შესაბამისობაში მოსაყვანად ევროკავშირის ქვეყნებს 18-თვიანი პერიოდი მიეცათ.
კოკა კვირკველია