ვანის მუნიციპალიტეტში სტიქიის შემსწავლელმა კომისიამ ზარალის დათვლა დაასრულა

ვანის მუნიციპალიტეტში სტიქიის შემსწავლელმა კომისიამ ზარალის დათვლა დაასრულა.

კომისიის ინფორმაციით, გასული წლის დეკემბერში მუნიციპალიტეტს ორი მილიონი ლარის ზარალი მიადგა, რის სალიკვიდაციოდ სახელმწიფო ბიუჯეტიდან 2 მილიონი ლარი გადაირიცხა.

ამ ეტაპზე მიმდინარეობს დაზიანებული ობიექტების საპროექტო-სახარჯთაღრიცხვო დოკუმენტაციის მომზადება, რის შემდეგაც გამოცხადდება ტენდერი საპროექტო სამუშაოებზე და დაიწყება დაზიანებული ინფრასტრუქტურის აღდგენა.

გასული წლის დეკემბერში ძლიერმა წვიმებმა მდინარეების ადიდება გამოიწვია. დაზიანდა ნაპირსამაგრები, სახიდე-საბოგირე გადასასვლელები და შიდა სასოფლო - საავტომობილო გზები.