თოვისა და ყინვის გამო გომბორის გზაზე კვლავ შეზღუდვებია დაწესებული
თოვისა და ყინვის გამო, თელავი-ვაზიანი- გომბორის დამაკავშირებელ გზაზე კვლავ შეზღუდვებია დაწესებული.
როგორც საგზაო დეპარტამენტის თელავის სამმართველოში აცხადებენ, ღამის განმავლობაში ინტენსიური თოვა იყო, რამაც გზის გაწმენდა შეაფერხა.
"ამ დროისთვის გომბორის უღელტეხილზე -9 გრადუსია. თოვა ნაწილობრივ შეწყდა, თუმცა დავაწესეთ გარკვეული შეზღუდვა, გადაადგილება დასაშვებია მხოლოდ მაღალი გამავლობის მანქანებისთვის და მოცურების საწინააღმდეგო ჯაჭვების გამოყენებით. გზის გარკვეულ მონაკვეთზე ყინული და თოვლის საფარია. დილიდან მიმდინარეობს ტექნიკური მარილის დაყრა. ვფიქრობ, რამდენიმე საათში შეზღუდვა მოიხსნება“, - განუცხადა "ინტერპრესნიუსს“ საგზაო დეპარტამენტის თელავის სამმართველოს ხელმძღვანელმა თამაზ აბდულაშვილმა.
გზაზე შეზღუდვას საპატრულო პოლიცია აკონტროლებს.