შრომის საერთაშორისო ორგანიზაცია - 2017 წელს მსოფლიოში 192 მილიონი ადამიანი უმუშევარი იყო

2017 წელს მსოფლიოში 192 მილიონი ადამიანი უმუშევარი იყო , - ამის შესახებ შრომის საერთაშორისო ორგანიზაციის (ILO) ხელმძღვანელმა გაი რაიდერმა განაცხადა. ამგვარად, უმუშევრობის ზოგადი დონე დედამიწის შრომითუნარიანი მოსახლეობის 5,6%-ს შეადგენს.

უმუშევრობის ყველაზე მაღალი მაჩვენებელი ჩრდილოეთ აფრიკაში ფიქსირდება, სადაც მოსახლეობის 11,7% ანუ 8,7 მილიონი უმუშევარია. ჩრდილოეთ, სამხრეთ და დასავლეთ ევროპაში უმუშევრობა 2008 წლის შემდეგ ყველაზე დაბალ მაჩვენებელზეა - 8,5%.

შრომის საერთაშორისო ორგანიზაციის მონაცემებით, დადებითი დინამიკა თვალსაჩინოა ეკონომიკური კრიზისისგან დაზარალებულ საბერძნეთსა და ესპანეთში. თუმცა დასაქმება ცხოვრების მაღალი დონის გარანტიას არ წარმოადგენს - 1,4 მილიარდი ადამიანი დედამიწაზე მუშაობის წყალობით მხოლოდ ღარიბულად ცხოვრების უზრუნველყოფას ახერხებს.

გაი რაიდერის თქმით, უახლოეს ორ წელიწადში ეს რიცხვი კიდევ 35 მილიონით გაიზრდება.