სამაგიდო თამაშები საქართველოს მასშტაბით 350 სკოლაში უკვე შეიტანეს
საქართველოს 350 სკოლის დაწყებით კლასებში სამაგიდო თამაშები უკვე შეტანილია, რომლებსაც მასწავლებლები დამხმარე რესურსის სახით იყენებენ , - ამის შესახებ Allnews.ge-ს განათლებისა და მეცნიერების სამინისტროში განუცხადეს.
უწყების ინფორმაციით, ცალკეულ სკოლებში შეტანილია თამაშები - ზოოტრივია, აფორიზმობანა, სიტყვების აწყობა და სხვა.
"ეს პროგრამა ჯერჯერობით საპილოტეა და ჯამში 350, მათ შორის თბილისი-რუსთავის 15 სკოლას მოიცავს. თამაშები გუნდურობისა და გამარჯვებისკენ ინდივიდუალური სწრაფვის უნარების აუმჯობესებს," - განმარტაევენ განათლებისა და მეცნიერების სამინისტროში.
როგორც სატენდერო დოკუმენტაციიდან ირკვევა, განათლებისა და მეცნიერების სამინისტრომ თამაშების მწარმოებელი შპს "თამაშობანასგან" 2 000 ცალი სამაგიდო თამაში შეისყიდა. ტენდერის მიხედვით, თამაშის აღწერილობა შემდეგია:
"თამაში იწყება ბარათების დარიგებით, რომელზეც ანდაზა ან აფორიზმი იქნება მითითებული, მოსწავლეებს შეეძლებათ როგორც ლოტოს ასევე, ასოციაციობანას პრინციპით თამაში.
თამაშის კომპლექტი უნდა შედგებოდეს აფორიზმების/ანდაზის/გამონათქვამის ბარათებისგან (არანაკლებ 30), კამათლისაგან, ლოტოსთვის სიტყვების პატარა ბარათების (არანაკლებ 152 ცალი) და მათთვის ტომარისგან და მოსანიშნი ფერადი ბარათებისთვის, თამაშის ინსტრუქციისგან".
წყარო: allnews.ge