Mercedes-Benz-ი ყველაზე ძვირად ღირებული საავტომობილო ბრენდი გახდა

2018 წლის მსოფლიო ბრენდების განახლებულ რეიტინგში Brand Finance Global 500 გერმანულმა ავტომწამროებელმა პირველად მოახერხა ბოლო წლების განმავლობაში ლიდერი პოზიციის დაკავება. მიუხედავად იმისა, რომ ის ბრენდების საერთო ჩამონათვალში მხოლოდ მე-15 ადგილზეა, ის პირველია საავტომობილო კომპანიებს შორის. Mercedes-Benz-ი ამ რეიტინგში შეფასებულია 43,930 მილიარდ დოლარად, რაც წინა წელთან შედარებით 24%-ით არის გაზრდილი, ხოლო პოზიციურად აღზევებულია მე-20-დან მე-15 ადგილზე.

რაც შეეხება საავტომობილო ბრენდებს შორის მეორე ადგილის მფლობელს, ის წინა წლების ლიდერი იაპონური Toyota გახლავთ. საერთო რეიტინგში მე-16 ადგილზე 6%-ით შემცირებული ღირებულებით და წინა წლის რეიტინგთან შედარებით 4 პოზიციით დაქვეითებული. წელს ამ ბრენდის ღირებულება შეფასებულია 43,701 მილიარდ დოლარად.

საავტომობილო ბრენდების ათეულში მესამე პოზიციაზეა კიდევ ერთი გერმანული პრემიუმ ბრენდი BMW, რომლის ღირებულებაც გასულ წელთან შედარებით 6%-ით 41,790 მილიარდ დოლარამდე გაიზარდა და მე-17 ადგილზე განთავსდა. ის წინა რეიტინგში მე-16 ადგილზე იყო და უსწრებდა წლევანდელ ლიდერ Mercedes-Benz-ს.

რაც შეეხება რეიტინგის სხვა საავტომობილო ბრენდებს, აქ მე-4 ადგილზეა გერმანული Volkswagen 33,670 მილაირდი დოლარით( +35%) და საერთო ჩამონათვალში 28-ე ადგილზე. მას მოჰყვება Honda 22,132 მილიარდით( +4%) და საერთო ჩამონათვალში 53-ე პოზიციით.

ათეულში მოხვდნენ - 68-ე ადგილზე Nissan 19,376 მილიარდით( -22%), 71-ე ადგილზე Porsche 19,055 მილიარდი( +54%), 79-ე ადგილზე Hyundai Group 17,754 მილიარდით (-24%), 83 -ე ადგილზეა Ford 17,294 მიალირდით ( -23%) და 97-ე ადგილზე Audi 14,951მილიარდით (+19%).

კოკა კვირკველია