ვიზიტორების მიერ ყველაზე ხშირად მონახულებადი პარკებია თბილისის, ყაზბეგის, ბორჯომ-ხარაგაულის ეროვნული პარკები, პრომეთეს მღვიმე და სათაფლია

საქართველოს გარემოს დაცვისა და სოფლის მეურნეობის სამინისტროს ინფორმაციით, 2018 წლის იანვრის თვის მონაცემებით, საქართველოს დაცულ ტერიტორიებზე ვიზიტორთა რაოდენობა წინა წლის ანალოგიურ პერიოდთან შედარებით, 43%-ით გაიზარდა და 16 475 შეადგინა.

უწყების ინფორმაციით, ვიზიტორთა შორის 54% ქართველია, ხოლო 46% უცხოელი. ქართველი ვიზიტორების რაოდენობა გაზრდილია 17%-ით, ხოლო უცხოელი ვიზიტორების რაოდენობა - 94%-ით.

სტატისტიკის მიხედვით, იანვრის თვის ყველაზე მონახულებადი პარკებია: თბილისის ეროვნული პარკი, ყაზბეგის ეროვნული პარკი, პრომეთეს მღვიმე, ბორჯომ-ხარაგაულის ეროვნული პარკი და სათაფლია.