ვახუშტი ბაგრატიონის სახელობის ხიდის რეაბილიტაციისთვის ტენდერი თავიდან გამოცხადდა
ვახუშტი ბაგრატიონის სახელობის ხიდის რეაბილიტაციისთვის ტენდერი თავიდან გამოცხადდა.
სატენდერო პირობების თანახმად, წინადადებების მიღება 17 მარტს დაიწყება და 22 მარტს დასრულდება. შესყიდვის სავარაუდო ღირებულება კი 1 701 193 ლარია.
ამასთან, როგორც ტენდერშია აღნიშნული, სამუშაოს შესრულების საგარანტიო ვადა - სამუშაოების დასრულებიდან 3 წელია. ცნობისთვის, ხიდის რეაბილიტაციის პროექტი შპს „კავტრანსპროექტის“ მიერ არის მომზადებული.
შეგახსენებთ, რომ ხიდის რეაბილიტაციაზე ტენდერი 2018 წლის იანვარშიც გამოცხადდა, თუმცა წინა ტენდერი არ შედგა, რადგან განაცხადი არცერთ კომპანიას არ წარუდგენია.