სასტუმრო „პარაგრაფი“ „მერიოტის“ სახელით ოპერირებას 1-ლი აპრილიდან დაიწყებს
შეკვეთილში ხუთვარსკვლავიანი სასტუმრო Paragraph Resort & Spa Shekvetili 1-ელ აპრილს ოფიციალურად გაიხსნება.
როგორც სასტუმროში აცხადებენ, 1-ელ აპრილს სასტუმროს ოფიციალური „მერიოტის“ სახელი მიენიჭება. სასტუმროს გახსნის ღონისძიება კი უფრო მოგვიანებით გაიმართება.
ცნობისთვის, სასტუმრო უკვე რამდენიმე თვეა სატესტო რეჟიმში მუშაობს.
სასტუმროში 5 სხვადასხვა კატეგორიის 220 ნომერია. სასტუმრო კომპლექსი მოიცავს ასევე 2 000 კუბური მეტრი მოცულობის აკვარიუმს, ზღვაში 150 მეტრზე შეჭრილ აუზს, ღია და დახურულ საცურაო აუზებს წყლის სასრიალო ატრაქციონებით, 3 500 კვადრატული მეტრი ფართობის ზამთრის ბაღს, კინოს, ჩოგბურთის კორტებს, სპორტულ მოედნებს, წყლის გიგანტურ ტობოგანს.
სასტუმრო „თანაინვესტირების ფონდმა“ ააშენა და მისი ჯამური ღირებულება 80 მილიონი ამერიკული დოლარი იყო.