ვიზიტორთა მომსახურების სპეციალისტებს ტრენინგები ჩაუტარდათ
დაცული ტერიტორიების სააგენტო ახალ ტურისტულ სეზონს გაუმჯობესებული სერვისით ხვდება.
დაცული ტერიტორიების სააგენტოს ინფორმაციით, ვიზიტორთა მომსახურების სპეციალისტებს კვალიფიკაციის ამაღლების მიზნით, ტრენინგები ჩაუტარდათ.
ტრენინგების მონაწილეებს დღეს სპეციალური სერტიფიკატები დაცული ტერიტორიების სააგენტოს თავმჯდომარე დავით მარკოზაშვილმა და WWF კავკასიის ოფისის რეგიონულმა დირექტორმა გიორგი სანადირაძემ გადასცეს.
მათივე ინფორმაციით, დაცული ტერიტორიების სააგენტო მუდმივად ზრუნავს ეკოტურისტული პროდუქტების და სერვისების გაუმჯობესებასა და საერთაშორისო სტანდარტების დანერგვაზე.
ტრენინგები WWF კავკასიის ოფისისა და ტრანსსასაზღვრო გაერთიანებული სამდივნოს, TJS-ის პროექტის ფარგლებში განხორციელდა.
პროექტი სამ ეტაპად ჩატარდა და მასში მონაწილეობა დაცული ტერიტორიების ოცივე ადმინისტრაციის ვიზიტორთა სპეციალისტებმა მიიღეს.