"მშობლები ყოველწლიურად კერძო რეპეტიტორებთან შვილების მომზადებაში 600 მლნ ლარს ხარჯავენ"
"მშობლები ყოველწლიურად კერძო რეპეტიტორებთან შვილების მომზადებაში 600 მლნ ლარს ხარჯავენ", - ამის შესახებ ილიაუნის ბიზნეს სკოლის დეკანი გიორგი ქადაგიძე "ფეისბუქის" საკუთარ გვერდზე წერს.
"ისევ სკოლა. მოგეხსენებათ განათლების მიღების უფლება ევროკონვენციით და ჩვენი კონსტიტუციით გათვალისწინებული ადამიანის ძირითადი უფლებაა.
საშუალო სკოლებზე სახელმწიფო ყოველწლიურად ხარჯავს 600 მილიონ ლარს. თითქმის ამდენივეს ხარჯავენ მშობლები კერძო რეპეტიტორებთან შვილების მომზადებაში ყოველწლიურად.
დავაზუსტებ, 600 მილიონ ლარს ხარჯავენ მშობლები, ვისაც ამის საშუალება აქვს, იმაში რასაც საშუალო სკოლა უნდა აძლევდეს ყველას.
უკვე სკოლის დამთავრებისას სახეზეა უზარმაზარი სხვაობა ელემენტარული განათლების ხელმისაწვდომობაში სოციალურ ჯგუფებს შორის.
40 ათასი მოზარდი ყოველწლიურად ამთავრებს "სკოლას".
მსოფლიოში არ არსებობს განვითარებული ქვეყანა ისეთი კატასტროფული სასკოლო მაჩვენებლებით როგორიც ჩვენ გვაქვს.
სკოლას უნდა შველა!!!
პ.ს. ბოდიში ბანალურობისთვის", - წერს გიორგი ქადაგიძე სოციალურ ქსელში.