„აუდი“ 2025 წლისთვის 800 ათასი ელექტრომობილის და ჰიბრიდის გაყიდვას გეგმავს

პრემიუმ ავტომობილების მწარმოებელმა „აუდიმ“ გამოაცხადა, რომ 2025 წლისთვის 800 ათასი ელექტრომობილის და ჰიბრიდის გაყიდვას გეგმავს.

ამ გეგმის შესასრულებლად, გერმანული კომპანია იმავე პერიოდში 20-ზე მეტი ელექტრიფიცირებული ავტომობილის გამოშვებას აპირებს.

ამ მიზნის მიღწევაში, მას „ფოლკსვაგენის“ ჯგუფში ყოფნა დაეხმარება, რომლისგანაც საჭირო პლატფორმებს (მოდულურ MEB-ს და მის ვარიაციებს) და ტექნოლოგიებს გაიზიარებს. მათ შემუშავებაში მონაწილეობას თავად „აუდის“ გარდა, კომპანია „პორშეც“ მონაწილეობს, რომელიც ასევე ჯგუფის წევრია.

„აუდი“ ასევე აცხადებს, რომ მისი ყველა ელექტრიფიცირებული ავტომობილის მოგების მარჟა, კომპანიის მიზნობრივ 8-10-პროცენტიან ზღვარში მოექცევა. იმავდროულად, გერმანული კომპანია ჯერ არ ამხელს, ამ ავტომობილებიდან რამდენი იქნება სრულად ელექტრული და რამდენი - ჰიბრიდული. ცნობისათვის, ინგოლშტადტელებმა შარშან სულ რაღაც 16 000 ნახევრად ელექტრული მოდელი გაჰყიდეს. ამჟამად მათს გამაში ელექტრომობილი ჯერაც არ ფიგურირებს. კომპანია მხოლოდ სამ პლაგ-ინ ჰიბრიდულ მოდელს აწარმოებს.

მაგრამ მალე ეს შეიცვლება - „აუდი“ აგვისტოში ბაზარზე თავის პირველ ელექტრომობილს, უგზოობის „e-ტრონს“ წარადგენს. ელექტრიფიცირებული მოდელების წარმოების დასაწყებად, კომპანია ჯამში 40 მილიარდ ევროს ინვესტირებას გეგმავს.